தெரிவீரே!
நேற்றைய வாழ்வின் நேயங்கள் அறிவீரோ
சொந்தமும் பந்தமும் கூடலும் தெரிவீரோ
பார்த்தவர் வியந்திட பழகியதும் உணர்வீரோ
ஆர்ப்பரிக்க மனம் இலயித்ததும் செறிவதுவோ
பூப்பதும் உளம் பூரிப்பதும் இயல்பதுவோ
காப்பதும் கருத்தில் கொள்வதும் பண்பலவோ
சொக்க வைப்பதுவும் அற்பம் இலவல்லவோ
ஆக்கம் நிகழ்வதும் ஆனந்தம் அல்லவோ
அணைப்பதுவும் தொடர்வதுவும் இணைப்பல்லவோ
கொடுப்பதுவும் பெறுவதும் இருப்பினில் இயலுவதே
நாடுவதுவும் நன்மைகள் நாட்டுவதுவும் குறைவதுவோ
தேடுவது பேரின்பமெனில் தனிமை தவிர்ப்பதல்லவோ
பீறுபெற வாழ்வதற்கு தேறுதல் கூடுவதல்லவோ
நேற்றைய வாழ்வின் நேயங்கள் அறிவீரே
சொந்தமும் பந்தமும் கூடலும் தெரிவீரே!
அழ பகீரதன்
கருத்துகள்