பண் கலை பண்பாட்டு கழக வெள்ளிவிழா

-


கனடாவிலுள்ள பண் கலை பண்பாட்டுக் கழகத்தின் இருபத்தைந்தாவது ஆண்டு விழா இன்று (25.12.12) நடைபெற இருக்கின்றது. இலங்கையிலிருந்தும் புலம்பெயர்ந்த தமிழர்கள் அங்கும் தமது ஊர் கிராமம் என்ற உணர்வோடு வாழ்வது அறிவீர்கள். அந்த வகையில் ஊர்மக்கள் எல்லோரும் ஒன்று கூடிதமது பண்பாட்டு அடையாளங்களை பேணும் வகையில் தமது ஊர் பெயர்களின் மன்றங்கள் அமைத்துச் செயற்பட்டுவருகின்றார்கள். அவ்வாறான ஒரு மன்றம் தான் பண்கலை பண்பாட்டுக் கழகம் என்பது. இது யாழ்ப்பாணத்தில் பண்டத்தரிப்பு சிறு நகரை அண்டியுள்ள ஊரான பணிப்புலம் என்ற கிராமத்தில் பிறந்து கனடாவில் வதியும் மக்களை ஒன்றிணைக்கும் அமைப்பாகத் திகழ்கின்றது. வருடந்தோறும் இந்த அமைப்பானது நவராத்திரி காலத்தில் வாணிவிழாவினையும் நத்தார் காலத்தில் ஒன்றுகூடல் கலை நிகழ்வையும் சிறப்பாக கொண்டாடிவருகின்றது. நாட்டியம் பாடல் நாடகம் என்ற கலை நிகழ்வுகளையும் சிறார் மத்தியில் கல்வி சார் போட்டிகளையும் நடாத்துவதோடு பண் ஒளி எனும் ஆண்டு மலரையும் வெளியிட்டுவருகின்றது.  அத்துடன் நின்றுவிடாது தமது கிராமத்தின் உயர்வுக்கும் அதன் வளர்ச்சிக்கும் பாடசாலைகளின் செயற்பாடுகளுக்கும் உதவி வருவதும் குறிப்பிடத்தக்கது. மேலும் இந்த கழகமானது எதிர்கால சந்த தியையும் தமிழின்பாலும் ஊரின்பாலும் ஈடுபாட்டோடு இணையும் வகையில் அவர்களிடம் பொறுப்புக்களை கையளித்து நன்றே நூற்றாண்டு விழாவினையும் காணும் பேறு பெறவேண்டும் என புதியகாலைக்கதிர் வாழ்த்தி நிற்கின்றது

கருத்துகள்

Avargal Unmaigal இவ்வாறு கூறியுள்ளார்…
நானும் உங்களுடன் சேர்ந்து வாழ்த்துகிறேன்
26 டிசம்பர், 2012 அன்று AM 12:26
கருத்துரையிடுக

இந்த வலைப்பதிவில் உள்ள பிரபலமான இடுகைகள்

யார் கேட்டார்கள்

-
யார் கேட்டார்கள் இரண்டாயிரத்து முப்பத்தொன்றின் ஓர் வைகறைப் பொழுதில் கேட்கின்றீர் ஊரில் யாரும் இல்லையா? தேர் இழுக்கவும் சாமி வாகனத்தில் இருத்திக் காவ‍வும் சனம் இல்லையாம் கேள்வி மேல் கேள்வி கோயிலில் பூசை பார்க்கவும் ஆட்கள் இன்றி அலறும் ஒலிபெருக்கியில் அந்தணர் குரல் மேவிட சென்றங்கு பார்த்தால் ஐந்தோ ஆறோ பேரே அங்கிருந்து வணங்குகிறாராம் எங்கட சனத்துக்குக் கோயிலுக்குப் போறதவிடத் தோதான வேறென்ன பொழுதுபோக்கு தொலைபேசியில் கேட்கிறீர் நீவிரும் நாமும் சிறுபராயமதில் இராத் திருவிழாவில் நித்திரை விழித்துச் சின்னமேளமும் பெரியமேளமும் பார்த்த அந்தக் காலத்திலேயே ஊர் இருக்கும் எனும் நினைப்பா உமக்கு? போர் மூண்ட காலமும் போய் ஆண்டு இருபதுக்கு மேல் ஆச்சு தேர் ஒன்றே எம் இலக்கெண்டு மாறுமெண்டு ஆர் கண்டது அன்று பைரவரும் தேர் ஏறக் காலம் வாச்சுதெனக் காசனுப்பி வைச்சீர் சிறுவர் சிறுமியர் கூடிக் கெந்திப்பிடித்த வான் பார்த்த உள்வீதி வாய்ப்பான கூரையுடன் வண்ணமிகு சித்திரச் சுவர் நீள மாபிள் தரை ஜொலிக்கக் கோபுரம் மேவிடப் பெருங்கதவம் வாசலில்... யார் செல்வார் உள்ளே தேர் ஓடும் வீதிக்காய் அறம் கற்ற மண்டபமும் அவதிக்குள
மேலும் படிக்கவும்

ஆள்மாற்றம் கோருகிறது

-
ஆள்மாற்றம் கோருகிறது அழ. பகீரதன் தாமே தமிழ்த் தேசியம் என மொழியும் வெள்ளாளியம் ஆள்மாற்றம் கோருகிறது. உலகெங்கும் சென்று தமது நலன் காக்கத் தமிழ்த் தேசியம் க‍க்கும் சைவ வெள்ளாளியம் கோயிலில் உள்சென்று வழிபட தேர் வடம் பிடிக்க சாமி காவத் தோள்கொடுக்க பஞ்சமர்க்கு மறுக்கின்றது. தாழ்த்தப்பட்டோரைச் சமநிலையில் பேணுதற்குக் கிறித்தவ வெள்ளாளியம் தனித் தேவாலயமென முன்மொழிகின்றது. உழைப்பவர்க்குச் சத்துணவான மாட்டுக்கறி மறுக்கும் இந்துத்துவ வெறியாய் வெள்ளாளியம் மேல்கிளம்புகிறது. உழைக்கும் மக்கள் தாமெழ வேண்டாமென ஈய்கின்ற விருத்தியில் சுருட்டியது போகப் பெறுவீர் எனப் பேரங்கள் பேசிடும் தேசியக் கட்சிகளொடு ஐக்கியமான வெள்ளாளியம். முற்போக்குத் தமிழ்த் தேசியம் நோக்கி மாற்று அரசியலை மக்கள் வேண்டிநிற்க வெள்ளாளியமோ ஆண்டபரம்பரையில் ஆள்மாற்றம் கோருகிறது.
மேலும் படிக்கவும்